quarta-feira, 22 de novembro de 2017

Somoxto: Mosu Situasaun Grave F-FDTL- PNTL Sei Lahalo Intervensaun

DILI – Ministru Defeza no Seguransa Jose Agustinho Somotxo hateten kuandu situsaun grave mosu iha Timor-Leste, F-FDTL no PNTL nudar institusaun neebe maka halo defeza no seguurasa sei latun halo intervensaun.

Partikularmernte hau nudar Ministru Defeza no Seguransa nian hanoin problema nee hau infrenta, insititusaun PNTL ho F-FDTL neebe maka funsiona 24 horas nia laran, maibe karik Orsamentu Ratifikativu maka la liu, deputadu sira tenke hare insitusaun rua nee sei la funsiona iha horas 24 nian laran, tamba buat hotu defisil ona,” dehan Somotxo ba Jornalista sira hafoin remata enkontru ho Prezidente Republika Francisco Guterres Lú Olo, iha palasiu Prezidensial Bairru Pite, Kuarta (22/11/2017).

Tamba nee nia parte husu ba Deputadu parlamentu tenke aprova Orsamentu Ratifikativu labele halo sumba, orsamentu nee sei hamosu problema boot.

Tuir Somotxo nudar Veteranus alem ida asumi kargu nudar Ministru Defeza no Seguransa hare ba kestaun sira nee moe.

Iha enkontru nee, informa mos kona ba pontus situsaun neebe dadaun nee lao iha Timor laran tomak.

Somotxo mos apela ba parte PNTL no F-FDTL labele interven situsaun enkuantu la hetan orden husi komandu, maibe karik hetan orientasaun no ordem husi komandu maka foin bele kompri servisu. 

Natalino Costa | Suara Timor Lorosae

1 comentário:

DIREITU ADMINISTRATIVU KONSTITUSIONAL TIMOR-LESTE disse...

Polisia ho Forsa Armada TIMOR-LESTE,instituisaun Estado nian ho nia funsaun atu grantia Estabilidade Nasional. hare ba situasaun TIMOR-LESTE, agora lao normal tamba povu hakmatek iha ida-idak nia fatin, mesmu politika sira ataka malu, maibe povu nunka paniku e sira kontinua halao sira nia knar hodi submete ba sira nia moris lor-loron nian. pelu kontrariu husi parte lideransa Defesa no siguransa sira maka hasai statmentu hodi provoka instabilidade iha povu nia leet. ho argumento nebe la fundamento. hau hanoin persisa halo separasaun funsaun ida-idak nian,politika sira halo politika, parte defesa no siguransa grantia estabilidade hodi grantia liberdade povu no sobrania Estsdo nian. atu nunee ida-idak iha responsavel ba nia funsaun tuir konstituisaun ho lei oan sira nebe figor iha ita nia nasaun de Direito e Demokratika ida nee. maibe ita klahur funsaun profesional ho interes politika, maka povu sei julga ukun nain sira,nebe hasai statmento sira nebe ho motivasaun provokasaun instabilidade nasional ba povu ho nasaun nia sobrania.