quarta-feira, 16 de novembro de 2016

Fretilin Konkorda Hasai Imunidade Ba Membru Governu No Deputadu


DILI – Bankada Fretilin iha Uma Fukun Parlamentu Nasional, korkorda hasai imunidade ba membru Governu no membru Deputadu sira, neebe maka komete iha krimi korupsaun.

Membru Parlamentu Nasional husi bankada Fretilin deputadu Antoninho Bianco hateten, Atu hasai imunidade ba kualker membru Governu, deputadu no se deit, bankada Fretilin konkorda. Tanba Timor Leste Estadu Direitu Demokratiku tenke hatudu katak, instituisaun estadu presiza servisu hamutuk.

Ami nia posizaun ba ema sira neebe komete krimi hanesan membru Governu ka membru Deputadu Tribunal haruka katak tenke hasai nia imunidade nee regras hateten ida nee tuir los bele duni hasai, tanba hatudu ita iha instituisaun estadu nee servisu hamutuk,” dehan deputadu Antoninho ba jornalsita sira iha PN, Dili, Kuarta (16/11/2016).

Reprezentante povu nee afirma tan katak, kazu sira neebe maka pendente husi membru Governu balu, no mos membru deputadu nee  boa vontade se maka jere PN nee maka ladun iha.Tanba nee maka ema balu ke Tribunal husu mai atu hasai levatamentu imunidade to agora seidauk.

Entretantu konaba imunidade deputadu Vicente Guterres nian deputadu Antonio hateten, dala hira ona Tribunal haruk imunidade to agora seidauk ba hatan. Maibe deputadu Vicente prontu atu ba hatan, lahatene kestaun nee sira kontaktu ba ona ka seidauk nee labele hateten.

Iha fatin hanesan Xefi bankada CNRT Natalino dos Santos hateten, sira nunka taka dalan atu deputadu Vicente Guterres ba hatan iha Tribunal, depende Tribunal notifika, CNRT nunka hakarak atu taka ba asuntu ida nee.

Entretantu deputadu bankada Fretilin Paulo Monis Maia, hateten normalmente lei nee estabelse ba ema hotu hotu, se deputadu ida notifikasaun husi Tribunal mai ona iha Parlamentu Nasional, hakarak ka lakoi tenke hasai imunidade para nia bele ba hatan iha Tribunal. Informasaun kompletu iha STL Jornal no STL Web, edisaun Kinta (17/11/2016). Carme Ximenes

Suara Timor Lorosae

Sem comentários: